ఈ ఏడాదంతా బిజీ బిజీగా ఉండనున్న రామ్

ఫిబ్రవరి 1న విడుదలైన రామ్ తాజా సినిమా “ఒంగోలు గిత్త” నిరాశ పరిచినా ఈ ఏడాది అంతా రామ్ బిజీగానే ఉండన్నునాడు. ఇప్పటికే రెండు సినిమాలకు గ్రీన్ సిగ్నల్ ఇచ్చాడు. వాటిల్లో మొదటిది “బోల్ బచ్చన్” రీమేక్. ఇందులో విక్టరీ వెంకటేష్ మరో ప్రధాన పాత్ర పోషించనున్నాడు. ఈ సినిమాని కె. విజయ భాస్కర్ దర్శకత్వంలో స్రవంతి రవికిషోర్ మరియు సురేష్ బాబులు నిర్మించనున్నారు. ప్రస్తుతం రామ్,”అందాల రాక్షసి” మూవీ డైరెక్టర్ హను రాఘవాపుడితో చర్చల్లో పాల్గొంటున్నాడని వినికిడి. ఈ కధా చర్చలు ముగింపు దశలో ఉన్నాయట. “సింహా”,”షాడో” సినిమాల నిర్మాత పరుచూరి కిరీటి ఈ సినిమాని నిర్మించనున్నారు. పూర్తి వివరాలు త్వరలో వెల్లడిస్తారు. ప్రస్తుతం కాలి గాయంతో బాధపడుతున్న రామ్ మార్చి కల్లా కోలుకుంటాడు అన్నీ అనుకున్నట్టు జరిగితే రామ్ మార్చ్ నుంచి సెట్స్ పైకి వెళతాడు.