హైదరాబాద్ : శ్రీయ టైటిల్ రోల్‌లో జనార్ధన మహర్షి దర్శకత్వం
వహిస్తున్న చిత్రం ‘పవిత్ర'. ఉప శీర్షిక ‘ఎ బోల్డ్ అండ్ గోల్డ్ ఫిల్మ్'.
కె. సాదక్ కుమార్, జి. సాయి మహేశ్వర రెడ్డి నిర్మిస్తున్న ఈ చిత్రం రెండు
పాటలు మినహా పూర్తయింది. ఈ సందర్భంగా నిర్మాతలు మీడియాకు ఈ సినిమా వివరాలు
వెల్లడించారు.
నిర్మాతలు మాట్లాడుతూ...‘జనార్ధన మహర్షి అద్భుతమైన కథ ఇచ్చారు. కథనం కూడా
బాగా కుదిరింది. టైటిల్ రోల్‌ని శ్రీయ అద్భుతంగా చేస్తోంది. స్త్రీ
ఔన్నత్యాన్ని చాటి చెప్పే చిత్రం ఇది. నిజాయితీగా ఓ మంచి ప్రయత్నం
చేస్తున్నాం. అందుకే ఇది బోల్డ్ సినిమా అయినా గోల్డ్ లా ఉంటుందని దర్శకుడు
అంటున్నారు' అని చెప్పారు.
శ్రియ
దర్శకుడు మాట్లాడుతూ...‘శ్రీయ కొత్త కోణంలో కనిపించే చిత్రం ఇది. అలాగే
కౌశిక్ కు ఈ చిత్రం మంచి బ్రేక్ అవుతుంది. నటి రోజా ఇప్పటి వరకు చేయని
పాత్రను ఇందులో చేస్తున్నారు. ఇందులో ప్రతి పాత్రకు ప్రాధాన్యం ఉంటుంది.
మార్చిలో ఈ చిత్రాన్ని విడుదల చేయాలనుకుంటున్నాం' అని చెప్పారు. ఈ చిత్రంలో
బ్రహ్మానందం, ఏవీఎస్, సాయి కుమార్, శివాజీ, రవిబాబు, తదితరులు
నటిస్తున్నారు.
ఈ చిత్రానకి సంగీతం : ఎంఎం.శ్రీలేఖ, కెమెరా : విఎన్. సురేష్, ఎడిటింగ్ :
రమేష్, ఆర్ట్ : నాగేంద్రబాబు, నిర్మాతలు : కె. సాధక్ కుమార్, జి.
మహేశ్వరరెడ్డి, కథ, దర్శకత్వం : జనార్ధన మహర్షి.
No comments:
Post a Comment